Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 2.156.1 | Hdt. 2.156.6 (English) | >>Hdt. 2.158.4 |
2.156.4 λόγον δὲ τόνδε ἐπιλέγοντες οἱ Αἰγύπτιοι φασὶ εἶναι αὐτὴν πλωτήν , ὡς ἐν τῇ νήσῳ ταύτῃ οὐκ ἐούσῃ πρότερον πλωτῇ Λητώ , ἐοῦσα τῶν ὀκτὼ θεῶν τῶν πρώτων γενομένων , οἰκέουσα δὲ ἐν Βουτοῖ πόλι , ἵνα δή οἱ τὸ χρηστήριον τοῦτό ἐστι , Ἀπόλλωνα παρʼ Ἴσιος παρακαταθήκην δεξαμένη διέσωσε κατακρύψασα ἐν τῇ νῦν πλωτῇ λεγομένῃ νήσῳ , ὅτε τὸ πᾶν διζήμενος ὁ Τυφῶν ἐπῆλθε , θέλων ἐξευρεῖν τοῦ Ὀσίριος τὸν παῖδα .
2.156.5 Ἀπόλλωνα δὲ καὶ Ἄρτεμιν Διονύσου καὶ Ἴσιος λέγουσι εἶναι παῖδας , Λητοῦν δὲ τροφὸν αὐτοῖσι καὶ σώτειραν γενέσθαι . Αἰγυπτιστὶ δὲ Ἀπόλλων μὲν Ὦρος , Δημήτηρ δὲ Ἶσις , Ἄρτεμις δὲ Βούβαστις .
2.156.6 ἐκ τούτου δὲ τοῦ λόγου καὶ οὐδενὸς ἄλλου Αἰσχύλος ὁ Εὐφορίωνος ἥρπασε τὸ ἐγὼ φράσω , μοῦνος δὴ ποιητέων τῶν προγενομένων · ἐποίησε γὰρ Ἄρτεμιν εἶναι θυγατέρα Δήμητρος . τὴν δὲ νῆσον διὰ τοῦτο γενέσθαι πλωτήν . ταῦτα μὲν οὕτω λέγουσι .
ch. 157
2.157.1
ch. 158
2.158.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 2.156.1 | Hdt. 2.156.6 (English) | >>Hdt. 2.158.4 |